Aldursflokkunarkerfinu Pan-European Game Information (PEGI) var komið á til að hjálpa evrópskum foreldrum að taka upplýstar ákvarðanir við kaup á tölvuleikjum. Því var hrint af stað vorið 2003 og kom þá eitt sameiginlegt kerfi fyrir mest alla Evrópu í stað aldursflokkunarkerfa í 30 löndum (Austurríki, Danmörk, Ungverjaland, Lettland, Noregur, Slóvenía, Belgía, Eistland, Ísland, Litháen, Pólland, Spánn, Búlgaría, Finnland, Írland, Lúxembourg, Portúgal, Svíþjóð, Kýpur, Frakkland, Ísrael, Malta, Rúmenía, Sviss, Tékkland, Grikkland, Ítalía, Holland, Slóvakía og Bretland).

Kerfið nýtur stuðnings leikjatölvuframleiðenda, þeirra á meðal Sony, Microsoft og Nintendo, sem og útgefenda og þróunaraðila gagnvirkra leikja um alla Evrópu. Aldursflokkunarkerfið var þróað af Evrópusamtökum um gagnvirkan hugbúnað (ISFE).