Tölvuleikir efla sköpun og samskipti og geta átt mikilvægan þátt í félagslegum og vitsmunalegum þroska.

Tölvuleikir geta kynnt tækni fyrir nýliðum og eflt áhuga á upplýsinga- og fjarskiptatækni.

Vegna þess að leikir krefjast þess að börn fylgi reglum og leiðbeiningum, geta þeir aukið getu þeirra til að beita sjálfsaga og sjálfstæði.

Þrautir, borðleikir, ævintýri og leit veita iðkendum tækifæri til að þroska leikjafræðilega hugsun og hæfileika til að leysa verkefni.

Hægt er að nota leiki til að bæta fínhreyfingar og auka rýmisvitund hjá yngri börnum og þeir geta verið kostur fyrir þá sem eru líkamlega fatlaðir.

„Það hefur verið rannsakað hvaða færni börn læra af tölvuleikjum. Litið er á færni eins og sjónræna athygli, viðbragðstíma, vitsmunalegan þroska eins og rúmskynjun eða leikjafræðilega hugsun, gerð áætlana eða prófun tilgáta (Durkin og Barber, 2002). Leikmenn þurfa að vinna hratt úr upplýsingum og vera fljótir að hugsa til að ná árangri, en það gæti nýst í raunveruleikanum (Taylor, 2006). Hjá fullorðnum hefur komið fram að færni í sjónrænni skynjun eykst við langvarandi tölvuleikjanotkun (Green og Bavelier, 2003, 2006)… Hægt væri að nota tölvuleiki til að auka sveigjanleika barna (getu til að fara úr einu verkefni í annað) og hegðunarbælingu (getu til að forðast að gera eitthvað óviðeigandi). Það myndi hafa veruleg áhrif á hæfni þeirra til að stjórna eigin hugsunum og hegðun, en það er eitt viðsfangsefna í þroskaferli barna og gæti nýst börnum mikið...Það eru fleiri mögulegir ávinningar tölvuleikja sem felast í tækifæri til að gefa ímyndunarafli lausan tauminn og kanna nýja heima, sigrast á ótta og þroska sjálfsmynd sína (Jones, 2002). Það eru mörg svið þar sem leikir gætu mögulega haft mikil jákvæð áhrif á andlega og líkamlega heilsu barna og á menntun“.

Byron Dr. (Tania), Safer Children in a digital world, Skýrsla unnin fyrir Byron Review – Children and New Technology, 2008, bls. 154-156

Hægt er að flétta leiki inn í næstum hvaða skólanámsefni sem er, allt frá stærðfræði til félagsfræði og tungumálanáms.