PEGI-kerfið var þróað á grundvelli fyrri kerfa í Evrópu. Fulltrúar úr samfélagshópum á borð við neytendur, foreldra og trúarhópa tóku virkan þátt í að semja PEGI-matseyðublaðið sem og í mótun og skipulagningu kerfisins. PEGI-kerfið kemur til móts við mismunandi menningarleg viðmið og sjónarmið í öllum þátttökulöndunum. Það nýtur stuðnings meirihluta hlutaðeigandi opinberra stofnana í aðildarríkjunum og allra atvinnugreinasamtaka á sviði gagnvirks tómstundahugbúnaðar í Evrópu. Í PEGI-kerfinu setja útgefendur leikja sjálfir aldursmörkin með því að fylla út sjálfsmatseyðublað. Að lokinni skoðun á leiknum innan fyrirtækisins skráir skoðunaraðili þess sig inn á sérstakt innra net til að svara spurningum um leikinn. Eftir það eru sett aldursmörk fyrir leikinn sjálfkrafa. Þau ákvarðast fyrir hvern efnisflokk á grundvelli svara skoðunaraðila við spurningum á eyðublaðinu.
Lesa meira...

PEGI Online
www.pegionline.eu